11.13
දුම්රිය විනාඩි 3යි ප්‍රමාද,
සුපුරුදු පරිදි දකුණු කකුල මැදිරිය තුළ
වම් කකුල පා පුවරුවේ පළමු පඩිය මත
දකුණත ඇගිලි 4ක් මගී ආධාරක අවුරුව වෙලාගෙන
වමත නිදහසේ වේගයෙන් ගලායන පවන් රොද තුළ
ඉදිරි දර්ශනය තැඹ්ලි පැහැති අඩක්ම නිදාබර වූ එකම දිග අසුන
බැලූ බැල්මට එක ලෙසම නෙත් වශී කරන දෙදෙනෙක් දෙපලක
පැලලිලි කිසිවක් රහිත දිගු ලා දුඹුරු කොන්ඩයන්, දෙකකුල් කිටි කිටියේ හිරකරන ඩෙනිම් කලිසම්,
විනාඩියට 40 ස් වතාවක්වත් ඒ දෙපල රස විඳින දකුණු පා පුවරුවේ පාසල් කොලු රැළ.
එකකුගේ කන වෙලාගෙන ඇබ දෙක මුමුනනු ඇසේ "baby.. baby..."
තවකෙකු එක හුස්මේ කියවයි පොඩි පොතක්, "ජේසුගේ ශ්‍රි ගල් ලෙනේ යාච්ඤාව"
No comments:
Post a Comment