Monday, March 12, 2012

හ්ම්ම්.... දුකයි ඇත්තටම....

ලැජ්ජාවෙන් ඇඹරුනු නිදාබර වූ ඒ දෙනෙත් නම්,

නෑ තව දුරටත් පෙනෙන්නට,

සීරුවෙන් පේලියට සකසන ලද නෙත් බැමිද,

ලා අළු වර්ණයෙන් දුර්වර්ණ ගැන්වූ නෙත් අගද,

ඇත….. තිබුනු ඒ නෙත් වෙලාගෙන,


සුදුම සුදු මූනේ තැනින් තැන වූ ඒ ගෝමර නම්,

නෑ තව දුරටත් දකින්නට,

ගෝමර යටකර මුහුන පුරා අතුරා ඇති ආලේපන තට්‍ටුවද,

දෙතොල්,දෙකොපුල් පමණක්ම තද රතු කළ සායම් වර්ණද,

ඇත….. තිබුනු ඒ මුහුනත යට කරගෙන,


දිගම දිග ක්‍රමවත්ව ගොතන ලද ඒ කොන්ඩා කැරලි දෙක නම්,

නෑ තව දුරටත් දෙපසට වැනෙන්නට,

ගැට ලිහුනු,දිග ඇදුනු උරහිස තෙක් වූ කේෂ කලාපයද,

මොහොතක් පාසා නලල් තලයට පතිත වන අසාමාන්‍ය කෙස් රොදද,

ඇත….. තිබුනු ඒ කේෂයන් මට්‍ටු කරගෙන


වසරකට පෙර දු‍ටු ඒ දසුන බිහිකල අහිංසක ආදරය නම්,

නෑ තව දුරටත් හැ‍ඟෙන්නට,

පසන් සිතකටත් අනුරාගය ජනිත කරවන ලෙසටද,

හැඩ ගැන්වූ තවත් එක් අහිංසකාවියක් සැඩ සමාජ ‍රැල්ලට හසුව ගසාගෙන යනු,

ඇත….. ඉවුර මත වූ මට අත වනාගෙන

No comments:

Post a Comment

Pages